ನಾವು ಪ್ರತಿದಿನ ಅನೇಕ ನಿರ್ಧಾರಗಳನ್ನ ಮಾಡುತ್ತಲೇ ಇರುತ್ತೇವೆ. ಅದು ಯಾವ ತಿಂಡಿ ತಿನ್ನಬೇಕು, ಎಲ್ಲಿಗೆ ಪ್ರಯಾಣ ಮಾಡಬೇಕು, ಯಾವ ಬ್ರಾಂಡ್ ನ ವಸ್ತುಗಳನ್ನು ಖರೀದಿಸಬೇಕು, ಯಾರನ್ನು ಬಾಳ ಸಂಗಾತಿ ಯಾಗಿ ಮಾಡಿಕೊಳ್ಳಬೇಕು, ಹೀಗೆ ಜೀವನದ ಪ್ರತಿಕ್ಷಣವು ನಿರ್ಧಾರ ಮಾಡುತ್ತಲೇ ಇರುತ್ತೇವೆ. ಈ ನಿರ್ಧಾರಗಳ ಪರಿಣಾಮಗಳು ಕೆಲವೊಮ್ಮೆ ಗಂಭೀರ ಸ್ವರೂಪದ್ದಲ್ಲದ್ದಿದ್ದರೂ ಮತ್ತು ಕೆಲವೊಮ್ಮೆ ನಮ್ಮ ಜೀವನದ ದಿಕ್ಕನ್ನೇ ಬದಲಾಯಿಸುವಂತಹವಾಗಿರುತ್ತವೆ.  “ನಮ್ಮ ಎಲ್ಲಾ ಆಯ್ಕೆಗಳು ಕೂಡಿ ಈ ಜೀವನವಾಗಿದೆ” ಎಂದು ಆಲ್ಬರ್ಟ್ ಕಾಮು ಅವರು ಹೇಳಿದಂತೆ ಮದುವೆ, ಉನ್ನತ ಶಿಕ್ಷಣ, ವೃತ್ತಿ, ಹಣಕಾಸಿನ ಹೂಡಿಕೆ ಇತ್ಯಾದಿ ವಿಚಾರಗಳಲ್ಲಿ ನಮ್ಮ ನಿರ್ಣಯಗಳು ಬಹಳ ಮುಖ್ಯ.